by 喺香港依個物價高貴嘅城市
想拍拖出街要比好多錢先得
有收入嘅成年人都覺得拍拖好貴
更何況冇收入嘅學生情侶呢
但戀爱大過天,為左愛情點都要拍落去
為左幫助你地,我地會話比你知有咩地方係學生情侣拍拖最適合嘅地方
一齊睇落去啦!!!
還有希望大家支持我們新開的Instagram：@couple.tipss！記得追蹤喔！！！
更多資訊
限時優惠！！！
通過我們網站獨有的網址可以得到獨有的優惠！
學生情侶行街好去處
1.葵涌廣場
葵涌廣場簡介
葵涌廣場係一個結合私人住宅同商場嘅多功能建築，由南豐發展有限公司發展
鄰近港鐵葵芳站，並設有行人天橋連接新都會廣場、葵涌運動場及葵芳邨
個人推薦同商場特色
因為業權分散以致商場内大多數都係小店經營，所以價格多數便宜，因此吸引左好多青年人
葵涌廣場總共有600幾間店，絶對足夠情侣同朋友行幾個鐘，有咁多店 有邊到係你地覺得去到一定要睇架?
如果有就去留言同大家分享下啦!
個人提示
第一層多數係乾濕貨同餐廳，所以除非有特定目的,如果唔係第一層應該唔適合行街
第二三層就最適合行街,入面有賣衫、賣小食、夾公仔店,所以係最適合行街
而四樓幾乎都係賣各種野食同些少量衫,所以基本上都係去食野
所以如果情侣、朋友想行下街嘅最推薦就係二三層，再下面啲會介紹一啲葵廣掃街嘅推介
記住睇落去啊!
葵涌廣場地點同點樣去
葵涌廣場喺香港新界葵青區葵涌市地段398號葵芳葵富路7-11號
1.葵芳地鐡站
- 到葵芳地鐵站
- 去D出口
- 過一倏馬路
- 就到啦!
2.巴士小巴
葵芳有好多車可以去到
可以參考下https://zh.wikipedia.org/
*註 除上面的內容外，主題公園都係其中一個好去處，但可惜票價太貴所以大家都比較少去，但現在只需透過下面鏈結就可以比正價低不少的價錢買到門票！！「～迪士尼樂園優惠門票～」「～海洋公園優惠門票～」｜更多超值優惠
2.新都會廣場
新都會廣場有些少背景
新都會廣場係1993年開幕，現今係葵涌最大嘅商場
寫字樓高35-36，商場總共有九層
推薦原因
作為葵涌最大商場，如果去行商埸就一會要去新都會廣場，因為係大商場，所以裏外嘅設計都非常現代同時尚
入面嘅冷氣同燈光都非常令人舒服，所以行街嘅感受都幾好架!
但係你可能會諗大商場賣嘅野咁貴,會唔係好啱冇咁多錢嘅情侣去行，下面就講幾個我同我女朋友去新都會會行嘅店
1.百老滙戲院：去睇下有咩戲睇!
2.log on：入面有各式各樣嘅産品，慢慢睇慢慢行
3.nike 運動家：如果係中意運動嘅情侶或者係想睇衫嘅就可以行下睇下，貴?唔需要?
行下姐,唔一定要買!XD
4.名創優品：入面主要賣各種生活用品，又好睇！品質又唔差！仲要好平!
5.三聯書局：去睇下書啊文具啊!
點去新都會廣場呢
新都會廣場位於葵青區興芳路223號
1.葵芳地鐵站
- 新都會廣場就正正係地鐵站前面
- 喺D出口出去就可以見到啦
2.巴士小巴
因為新都會廣場就喺葵涌廣場隔離
所以小巴巴士到達嘅地方都係一樣既
可以參考下https://zh.wikipedia.org/wiki/%E8%91%B5%E8%8A%B3#%E4%BA%A4%E9
*註 都市的好去處就去得多，有沒有想過去郊外露營享受不一樣的體驗？而其實香港有不少不同的露營活動，如果有興趣可以透過下面鏈結了解更多和以優惠價購買活動！「～流浮山白泥露營體驗～」「～露營+露營車體驗～」｜更多露營活動
3.kcc商場
KCC商場左注入購物、消閑、娛樂之等元素
以年輕、追求時尚品味生活的消費群為目標顧客
推薦原因
KCC可以行嘅面積並唔大,但麻雀雖小,卻五臟俱全，應該有嘅都有，食店 飲品店 咖啡店 鞋店 便利店,全部都有
但最吸引到我地嘅係,喺二樓有幾間各有特色嘅食店
就例如….
想知就睇落去啦！下面會介紹葵芳有咩好食！
小總結
KCC係一個唔錯嘅地方去消閑，去食野飲野絶對冇問题
而且KCC仲有幾個地方係其他商場係比唔上架!
想知就記住睇落去！
點樣去到KCC呢
KCC位於葵涌葵昌路72號
1.葵興地鐵站
- 可乘搭地鐵到葵興站，
- 於地鐵 E出口沿天橋直行
2.巴士小巴
因為KCC非常近巴士站所以巴士小巴眾多，依到就唔一一列舉啦
參考http://www.lifekcc.com/tc-location/
*註 在香港大多數交通工具都是用八達通去付款，若是想在香港旅遊一張八達通是必不可少的，所以大家可以用這個網站（香港八達通卡 – 含HK50儲值）在旅行之前買一張八達通，如果你的旅程會坐很多地鐵，那麼你可以考慮這個（港鐵遊客全日通）
窮學生飲食推薦
依到會介紹一啲我地覺得好食，有特色同唔貴嘅野食
如果仲有食店係你覺得好食但冇喺入面嘅，可以喺下面留言同大家分享下!
葵涌廣場
喺葵涌廣場有好多有唔同特色既野食同野飲店
依啲店成為左葵涌廣場嘅一大特色
1.無辣不歡
如果去葵廣掃街又中意食辣，又點可以錯過無辣不歡呢~
入面主要係賣蕎麥麵同手撕雞，當然係辣架啦！但辣得呢又會好香,非常有風味
雞都夠滑，加埋面食就真係好好食！
僄錢方面唔會好貴，大約20-30蚊可以有一碗，份量就大約一碗撈面咁
食量細嘅人可能會飽,但食量大嘅就應該差少少，但買多杯野飲就可能會飽哦~
無辣不歡位置
葵芳葵富路7號葵涌廣場2樓2019號舖
2.又一戟
依一間主要食咸甜班戟嘅班戟店，除左班戟仲有雪榚賣
入面咸嘅班戟配料有好多,例如咸牛肉 ，吞拿鱼 ，火腿等等，但入面我最中意嘅係甜味班戟
例如忌廉香蕉雪榚班戟同OREO雪榚班戟就係我地最常食嘅
價錢大概20-40不等，不過我地通常食20幾蚊，因為已經夠啦！
又一戟位置
葵芳葵富路7號葵涌廣場3樓85B號舖
3.WAFFLE CORNER
依間主要賣各種食物,好多野都有賣，面，雞翼，薯條，窩夫都有賣
但其中最出名嘅係超長薯條同芋圓，超長嘅薯條因為超級長所以吸引左好多人
而依到嘅芋圓因為比起其他賣芋圓既店更平而又足料
所以我會推介去嘗試一下
芋圓同超長薯條既價格都唔超過30蚊
雖然唔算好平,但唔算好貴，所以情侣們或朋友們間唔夾下錢食就絶對可以負擔得到!
WAFFLE CORNER位置
葵芳葵富路7號葵涌廣場2樓2020號舖
4.慧食貓
依間主要賣手抓餅嘅店，去到葵廣就緊係要試一試啦!
首先果手抓餅已經非常好食，然後根據自己嘅喜好可以加唔同嘅配料 ，例如雞蛋火腿芝士等等等等
然後配料連餅一齊咬 嗯~正啊!
一個餅價錢係13蚊 如果要加配料大概20幾蚊不等可以食到，20幾蚊絶對可以試下
慧食貓位置
葵芳葵富路7號葵涌廣場1樓B01C號舖
5.上海灘
葵涌廣場有好多出名嘅飲品店,例如SHARE TEA同貢茶，但葵涌廣場入面，我最中意嘅就係上海灘
點解呢~
因為蛋榚奶茶太好飲
[蛋糕]係由牛奶同淡忌廉制成加上海灘特制嘅奶茶，感覺就好似真係邊食蛋糕邊飲奶茶
真係一試難忘!十分推介!!
除左蛋榚奶茶仲有其他有特色嘅茶，例如芝芝苺苺同魔鬼鮮厚奶黑糖丸子
依啲都值得一試架!
價錢一啲都唔貴,蛋糕奶茶大杯只要20蚊 一啲都唔貴
上海灘位置
葵芳葵富路7號葵涌廣場3樓301P號舖
葵涌廣場真係好多野食同野飲
但係淨係講就單調左啲 所以比你地睇下片了解下
KCC商場
1. 85度
85度係一間面包 咖啡 奶茶結合於一身嘅輕饍咖啡店，我地飲過入面嘅黑糖珍珠鲜奶，味道唔錯!值得推介!
價錢大慨20-30蚊左右，可以接受!!
85度位置
葵涌葵昌路72-76號活@KCC 1樓108號舖
2.田園小鎮
田園小鎮主要係賣香港嘅特色小食，例如格仔餅，雞蛋仔，車仔面等等
野食唔錯仲要服務態度好!
價錢大概二十幾蚊左右!
田園小鎮位置
葵涌葵昌路72-76號活@KCC 1樓110號舖
3.大雞大
BY OPENRICE
大雞大主要賣有台灣風味嘅野食，有炸雞有飯食
價錢仲要唔貴，
大約30幾40幾，又食得飽,又唔會話貴
大雞大位置
葵涌葵昌路72-76號活@KCC1樓111號舖
小結
上面介紹左一啲葵涌廣場同KCC嘅食店，唔知有冇你地中意嘅呢?
如果冇就留言同大家分享下啦!
如果想我地寫一章關於葵芳街頭小食嘅文章就都留言同我地講啦!
消閒地方
相信好多情侶都會遇到一個問題，就係冇特別嘅地方去，但係想出去見下男女朋友/朋友
想同佢地搵個地方傾下計，談下心，但又好似冇適合嘅地方
就等我推介下葵涌區有咩地方比你地坐下啦！
1.新都會草地
相信依個地方，大多數人應該都唔陌生架！依個草地有地方傾計，影相，簡直係一流
但係，依個地方其實都幾焗架，可能有自便風扇，另外，如果都想影相嘅話就要留意一下！！！
依個地方入面嘅主題可能隨時都會變架！會間唔中加入新元素落去，並非統一一樣嘅！
2.kcc商場草地
依個草地比起新都會嘅細好多，但因佢係室內，所以舒服程度同人流會比較好同少啲人
附近仲有少少店可以行下（上面有提及到）而影相方面，都有地方比你地去影嘅
不過一樣，都會不定期會加入新元素
有益身心好去處
運動篇
1.葵涌運動場
中意跑步，想鍛練一下身體嘅情侶或朋友都可以嚟呢一到架！
入面有足夠嘅儲物櫃
葵涌運動場喺邊？
鄰近港鐵葵芳站，並設有行人天橋連接新都會廣場、葵涌運動場及葵芳邨
2.葵涌籃球場
場內有三個全籃球場，有足夠地方打下籃球，不過，某啲時間會好多人都喺依到打波
如果你係冇籃球嘅話都唔緊要！籃球場同運動場之間有一間店仔，入面有野食，野飲，仲有球類比你地去借～
葵涌籃球場就喺葵盛運動場隔離
3.葵盛圍
葵盛圍係咩嚟架呢？佢係指圍住葵盛嘅一條路，由於葵盛有好多中學，間間學校嘅校隊訓練都一定會跑葵盛圍
因為葵盛圍有好多上落斜，所以跑葵盛圍真係會訓練到心肺功能，葵盛圍可分為大葵，細葵
細葵大概兩公里，可由葵涌運動場門口（如下圖）出發
可以喺依個門口嘅對面條路出發，隨便向左右兩邊跑都得，都會跑到返返去起點。
沿路會見到：游泳池，李賢堯學校，顧超文學校，李兆基學校，診所，籃球場，綿紡學校，轉右/轉左，善德學校，消防局
大葵大概七公里多少少，一樣可在同樣位置出發，但會多經多少少地方（以下圖片）
4.林士德體育館
體育館唔多講啦！應該係人都知入面可以做到啲咩架啦！
只係再提供一個葵芳室內運動嘅地方比大家～
5.南葵涌公共圖書館
去圖書館可以同你嘅伴侣一齊睇書，得閑果時偷望下對方
又浪漫又甜蜜!
點去？
1）先到葵興地鐵站B/葵興巴士站
詳情：https://www.hkpl.gov.hk/tc/locations/kwai-tsing/library/south-kwai-chung.html
2）去到黎，穿過巴士站見到7-11
3）7-11側邊會見到有個位入去有兩部𨋢：一
4）搭左邊嗰部上4樓，就到架啦～
最新優惠推薦！！！
總結
個人推薦如果去葵芳拍拖首先去葵涌廣場嗰邊
原因一：
商店商場比較多可能行耐啲
原因二：
食店都有好多 可以有好多選擇
原因三：
有舒服嘅体息地方 如果行街行耐左或者想坐底飲杯野
就可以去草地嗰邊体息下
但係如果你地想有一個地方係安静又舒服，KCC會係一個更好嘅選擇
因為葵涌廣場嗰邊真係非常之多人
而KCC雖然可以行嘅比較少
但就係勝在少人 可以有更多空間可以同對方相處
好啦!希望大家中意啦!
可以幫我地比個讚同留言就多謝矖!!!
如果唸唔到著咩杉去拍拖？
可以入去睇下http://tinyurl.com/y8t9shfm
入面一定有岩你既杉！
6 thoughts on “[2020學生情侶拍拖好去處！]窮學生必去免費拍拖勝地！！【葵涌區】”