by 終於可以出多少少街，但有多左個問題，就係去邊好呢？就等我地介紹香港其中一個出街嘅好去處－黃大仙區！！
今篇會介紹黃大仙區嘅其中幾個拍拖，行街，影相，運動嘅好去處！！想知黃大仙區有咩好去處就繼續睇落去啦！
還有希望大家支持我們新開的Instagram：@couple.tipss！記得追蹤喔！！！
限時優惠！！！
通過我地網站獨有嘅網址可以得到獨有嘅優惠！
荷里活廣場
講到出街、行街、拍拖就當然要行商場，特別係夏天嗰時就特別適合街商場，而黃大仙都有一個好好嘅商場可以去㗎！而呢個荷里活廣場！
荷里活廣場背景
荷里活廣場係1997年開幕，商場包括地下共有五層，提供超過220個舖位，當中包括大型超級市場、酒樓及電影院等，係東九龍其中一所大型商場
荷里活廣場特色
荷里活廣場最大嘅特色就如上面所講佢有220個舖位，有好多店就代表有好多野行好多野可以睇
如果想飲野食野，有天仁茗茶、麥記
想去挽嘅，都有美國冒險樂園
情侶其中一個最中意做嘅事－睇電影，荷里活廣場入面都可以睇到架，喺呢到比個提示大家，任何想去睇電影嘅情侶或拍者朋友仔
我地都會比大家一個可以平啲咁睇電影嘅優惠！無論係黃大仙區或者其他區都適用架，如果想知就睇落去啦！我地會專門為大家介紹架！
如何到達荷里活廣場
荷里活廣場位置：大磡龍蟠街1至3號
大家可以坐地鐵觀塘線，搭到鑽石山站，然後去C1C2出口就得啦！
如果想以其他交通工具去荷里活廣場可以參考以下網站！
https://moovitapp.com/index/zh-tw/
牛池灣公園
牛池灣公園背景
牛池灣公園嘅前身係一個拉圾堆填區，係1975年開始使用，但短短用左兩年嘅時間就填滿左一個山谷
所以就喺1977年停用左，直至2000年先開始決定去改建，經過嘅一堆嘅過程最後喺2008年建成同開放，就變成左依家嘅牛池灣公園啦！
牛池灣公園特色
行公園絕對係情侶拍拖同家人親子嘅好去處！，而牛池灣公園就其中一個好去處啦！
好行好挽嘅好公園要俱備咩嘅特質呢？要環境優美行落去會令人感覺到舒服嘅、有嘢可以挽嘅、最好有運動嘅設施比大家去做運動！
而牛池灣公園有曬上面所有嘅特質，有環境有遊樂場仲有得做運動！
如何到達牛池灣公園
巴士：3M(慈雲山(北)—彩雲) 3P(慈雲山(南)—彩雲) 21(紅磡港鐵站—彩雲) 606(小西灣(藍灣半島)—彩雲) 10(彩雲—彩雲)(循環線) 91(清水灣—鑽石山港鐵站) 91M(寶林—鑽石山港鐵站) | 專線小巴：16A(彩虹港鐵站—豐盛街紀律部隊宿舍) 16B(彩虹港鐵站—曉暉花園) 16S(彩虹港鐵站—峻弦) |
獅子山
獅子山係香港著名嘅山峰！相信都好多人知道獅子山，都有聽過「獅子山精神」
而獅子山呢個名嘅由來呢，就係因為獅子山嘅山峰好似獅子所以就有呢個名啦！（不過應該個個都知XD)
獅子山傳說
獅子山係有一個民間傳說㗎，過去有九條龍落凡搞亂檔，所以上天派左一隻獅子下凡鎮壓。
現時的八仙嶺就是收拾左其中八條龍，仲有一條被獅子壓住喺腳下，而嗰一隻獅子就係依家嘅獅子山啦！
首先行山就係一個好健康嘅活動，除左可以強身健體之外，同朋友、伴侶、家人行山都係一個開心快樂嘅一件事！
而獅子山就係黃大仙區最值得推介嘅行山好去處，睇上面張圖就可以知喺獅子山上可以望到好靚嘅香港景色，睇靚景之餘仲可以影到好靚嘅相！
下面就同大家介紹下點去獅子山
如何到達獅子山
黃大仙＞沙田坳道＞沙田坳＞獅子山 (獅尾)＞獅頭＞回歸亭＞獅子山公園（天馬苑）
彩虹邨
彩虹邨背景
彩虹邨係香港早期嘅公屋之一，仲因為建築設計獨特，彩虹邨榮獲左香港首個建築獎項——1965年香港建築師學會銀牌獎
彩虹邨特色
彩虹邨相信好多人都知道呢個打卡影相嘅好去處，彩虹邨整齊而又色彩繽紛嘅外表，吸引左好多人去彩虹邨影相
彩虹邨可以影嘅地方有好多，除左屋邨嘅外檣，就連籃球場都好靚好值得去嘅一個影嘅地方！
其實彩虹邨唔需要講咁多、比大家睇多啲例子！
如何到達彩虹邨
搭地鐵到彩虹站，然後喺C3出口去紫薇樓！
之後上停車場嘅樓梯，就係上圖嘅樓梯啦！
上到去就到㗎啦！
提示
影相還影相，彩虹邨始終都係一棟比人住嘅公屋，所以大家影相嘅時候就千奇唔好留低拉圾，而且優先比當地居民使用公屋設施！
唔好因為自己要影靚相就阻住左當地居民嘅生活，咁樣係非常唔尊重嘅行為！
斧山道游泳池
斧山道游泳池佔地1.88公頃，有室內同室外場，個人覺得非常適合情侶，
雖然冇又長又刺激嘅滑水梯
但係有唔少嘅遊樂設施，因為有室內場所以可以行下傾下咁，我同我女朋友去嘅時候會一時挽下一時浸住水咁傾計，係幾甜蜜嘅一件事嚟嘅～
夏季開放時間：上午6時30分至中午12時；下午1時至5時；晚上6時至10時
清潔日：逢星期一
如何到達斧山道游泳池
斧山道游泳池位置九龍黃大仙龍翔道30號
可以從地鐵彩虹站C2出口
或者鑽石山站既C1出口
更多資訊：7個最適合情侶朋友去嘅游泳池!?
游泳池價錢
| 入場費(每節) | 星期一至五(公眾假期除外) | 星期六、日及公眾假期 | 適用範圍 |
| 一般收費 | 每位17元正 | 每位19元正 | 本欄下方所述人士以外的人士 |
| 優惠收費(註1) | 每位8元正 | 每位9元正 | 年滿60歲長者3至13歲兒童(註2)全日制學生(註3)殘疾人士和一名陪同者 |
| 免費 | 免費 | 免費 | 3歲以下幼童(註4) |
最新優惠推薦！！！
總結
黃大仙區有好多拍拖行街好去處，唔知上面嘅資料有冇幫到想出街但又唔知去邊好嘅你呢？
如果想知更多香港或者情侶拍拖好去處嘅話，可以睇我地嘅網站一定可以幫到你！
add_action( ‘wp_head’, function () { ?>
