tim&swan 深水埗除左係一個電子產品淘金嘅好去處
同樣係一個美食天堂！今篇會向大家介紹深水埗的掃街推薦！
下面會分深水埗街頭同西九龍兩個地方去介紹
如果想知深水埗有咩好食就睇下去啦！
如果唸唔到著咩衫去拍拖？
可以入去adidas睇下http://tinyurl.com/y8t9shfm
入面一定有岩你嘅衫！
限時優惠！！！
通過我地網站獨有既網址可以得到獨有嘅優惠！
深水址美食推薦－街頭
炙
炙呢間壽司店不論係灸燒同手卷都非常值得推薦架！
特別係灸燒壽司、可以話係該店嘅王牌嚟架！
佢地係平平無奇嘅食材上、用火槍去炙燒
令壽司嘅口感同味道提升左一個層次！
最重要嘅係價錢非常親民、炙燒三文魚壽司只係六蚊啊！！！
性價比非常高、非常值得大家去嘗試下
餐牌
如何到達炙
地址：深水埗欽州街49號德寶大廈地下
港鐵深水埗站 D2 出口, 步行約3分鐘
營業時間：9am-10:30pm
電話：2461 1121
合益泰小食
合益泰小食係深水埗區相對出名嘅老店
曾經入圍米芝蓮嘅街頭食店推介名單
入面最出名係腸粉、燒賣、粉果等街頭小食
其中腸粉被各大網站提及、例如ulifestyle.com
合益泰小食嘅腸粉有分 大（＄16 八條）中（＄12 六條）細（＄10 五條）
可以按照自己喜好去選擇份量！
佢地既嘅醬汁有啲特別、佢地既嘅混醬係有豬油嘅成份、令到個腸粉嘅味道更勝其他食店
燒賣都唔錯架、雖然十二蚊得三粒、但勝在大粒
餐牌
如何到達合益泰小食
地址：深水埗桂林街121號地舖
港鐵深水埗站 C2 出口, 步行約1分鐘
更多資訊
營業時間：06:30 – 20:30
電話：27200239
小結
個人認為合益泰小食係唔錯既食店物廉價美！
如果行過或者食早餐、我會去試下但未至於特登過去食
當然希望大家去試下、然後係下面留言同我地分享下
五嫂石磨腸粉
同上面嘅主打既食品相似、都係腸粉！
五嫂石磨腸粉係深水埗都算係幾出名嘅食店
每日都會有好多人過去食、聽講高峰期甚至一日賣500份添！
呢到賣嘅腸粉唔係一條條咁、而係 一片片？咁
佢地會用米漿係蒸盤上淋上薄薄嘅一層
蒸完之後就會將其捲起、一份薄如蟬翼既腸粉就搞掂啦！
食客可以自由選擇有唔同配料嘅腸粉、雞蛋腸同瘦肉碎腸等
餐牌
如上圖所見、平均價錢都係十五至二十五之間
加一杯豆漿都只係三十蚊左右！
係一個又好味又健康嘅早餐同小食
如何到達五嫂石磨腸粉
地址：深水埗北河街98號地下B3號舖
港鐵深水埗站 A2 出口, 步行約1分鐘
更多資訊
營業時間：06:00 – 20:00
電話：59805858
小結
五嫂石磨腸粉既腸粉比其他嘅腸粉更加滑
口感真係與別不同、非常推介你地去嘗下
公和荳品廠
公和荳品廠係一間主要賣豆類製品嘅店
而且從店內環境以及豆漿嘅製法可以感覺到懷舊同歷史
公和荳品廠於1893年成立,超過一百年歷史、係老字號之中嘅老字號
更係入選過米芝蓮街頭小食嘅名單、非常利害！！
呢到嘅豆腐花非常之滑、而且有大豆香味
價錢都非常平架！豆腐花有大細之分 大（＄12）細 （＄10）冷熱同價
講到豆製品又點可以唔講豆漿呢！
而公和荳品廠都係水準之上
佢地係用石磨製豆漿、因此更原汁原味同更有豆香味
餐牌
佢地依家開左分店、但係價錢都有平民價
良心！！！
如何到達公和荳品廠
港鐵深水埗站 B2 出口, 步行約1分鐘
地址：深水埗北河街118號地下
更多資訊
營業時間：07:00 – 21:00
電話：23866871
小結
我本就對豆類產品非常喜愛
而公和荳品廠就正中我下懷啦！
絕對係一間又平又好味既店！
影片
希望呢條影片可以比到你更多資訊
深水埗美食推薦－西九龍中心
西九龍中心係深水埗其中一個地標
佢係一個購物中心、因有許多商店可以行下街
入面更係有好多（格仔店）同埋頂層嘅奇趣天地
因此吸引左好多學生同年輕人去消費
而下面會介紹嘅係西九龍中心另一個特色
就係八樓既美食廣場啦！
雪糕達人
呢間雪糕店非常之平啊、我諗係香港應該好難搵到另外一間咁平嘅雪糕店
點解我會咁講？
你睇最上面嘅圖應該可睇到、（＄10四球）同（＄12五球）
請問各位可曾見過如此平嘅價錢買到咁多球？
我就第一次見啦！而且味道都有正常水準架！
餐牌
有足三十種口味比大家選擇！
所以除左自己中意既嘅口味之外、可以選擇下其他未食過既口味！
更多資訊
電話：92003963
營業時間：11:00 – 22:30
小結
又平又值食既雪糕店、有機會就去試下啦！
皇帝雞
皇帝雞就當然係賣雞、而佢地賣嘅雞係韓式炸雞以及韓國小食
佢有分（韓辣味、醬油味、甜辣味）共三種味道
各種味道有各種特色、但每一種味嘅雞都好好味
佢地嘅雞唔會（柴）又滑、最緊要係無骨淡淡肉架！
餐牌
份量同價錢都有分三種、（＄35細、＄40中、＄80特大？）
ps.上面嘅圖己經好清晰咁標名價錢、我打多次好似有d多餘…XD
更多資訊
電話：12:00 – 19:00
小結
個人認為四十蚊嘅份量都夠食、當然因人而異
而且四十蚊食到份量足夠嘅韓式炸雞都唔錯啊！
雅典娜
雅典娜係一間主打鐵板嘅食店
聽講座落係西九龍中心有十幾年左右
但係佢地嘅食物質素同價格同以住相若
以低價錢食到高品質嘅食物！
白飯、鐵板、醬汁、黑淑呢個超級好味嘅組合
你仲可以選擇、魚柳、肥牛、雞蛋、香腸、餃子等等
選擇兩個配料都係三十幾蚊至四十幾蚊
餐牌
對比起其他賣鐵板食物嘅店
雅典娜係便宜好多嘅、重要嘅係真係好味
更多資訊
電話：23602086
營業時間：12:00 – 22:00
小結
非常推薦大家去試下！
可能係因為我本身中意食鐵板、所以覺得呢間好正
大家可以去試下然後留言同我地分享下你覺得如何！
影片
希望影片比到你更多嘅資訊啦！
如何到達西九龍中心美食廣埸
地址：深水埗欽州街37號西九龍中心8樓
坐地鐵到深水埗站、然後可以係C2出口
然後行鴨寮街一直到欽州街
然後過條馬路、就差唔多到西九龍中心
然後撘電梯上八樓就到美食廣場啦！
總結
深水埗真係行街食野嘅福地
有好多唔同種類唔同特色嘅食店
而上面就係個人推介嘅店、每個人嘅口味唔同
如果大家有其他覺得係深水埗好食嘅但係又冇提及
可以喺下面留言同大家分享
好多謝你睇到呢到、希望呢篇文章幫到大家啦！
